आ.अर्जुन खोतकर शब्द पाळणार ? जालनेकरांना मिळणार मोठे गिफ्ट!

निवडणुकीत दिलेले आश्वासन दिवाळीपर्यंत पूर्ण करणार – आमदार अर्जुन खोतकर.

जालना:– अनेक नेते मंडळी जनतेला अनेक वर्षांपासून विविध आश्वासने देतात. जनता जनार्दन देखील नेत्यांच्या या आश्वासनावर विश्वास ठेवून त्यांना मतदान करते व नंतर दिलेले आश्वासन काही नेत्यांकडून पूर्ण होते तर काहींकडून ते आश्वासन धुळीस मिळते. सध्या जालन्यात देखील अशाच एक आश्वासनाची जोरदार चर्चा अनेक दिवसांपासून चालू असून आमदार अर्जुन खोतकर यांनी जालन्यातील नागरिकांना हे आश्वासन निवडणुकीपूर्णी दिले होते व एक वर्षाच्या आत ते पूर्ण करेल असे म्हणले होते. त्याच पार्श्वभूमीवर अर्जुन खोतकर यांनी म्हणले आहे की येत्या दिवाळी पर्यंत सदरील आश्वासन मी पूर्ण करेल. कारण ‘मी जे बोलतो ते करतो’ असे देखील अर्जुन खोतकर यांनी म्हणले आहे.

अर्जुन खोतकर यांनी जनतेला दिलेले ते आश्वासन कोणते?

जालना शहरात सर्वात जास्त भेडसावणारी समस्या कोणती असेल तर ती म्हणजे पाण्याची. जालना महानगर पालिका होऊन तब्बल २ वर्षे होत आलेत परंतु अद्याप देखील जालना शहरात ८ दिवसाआड नळाचे पाणी येत असून यामुळे नागरिकांना मोठा मनस्ताप होत असतो. व पिण्यायोग्य पाण्यासाठी मोठ्या प्रमाणात नागरिक जार च्या पाण्याचा वापर करत असतात व यामुळे नागरिकांच्या खिशाला कात्री लागत असून अनेक अनेक ठिकाणी पाणी टंचाई देखील जाणवत असते.हाच प्रश्न सोडवण्यासाठी अर्जुन खोतकर यांनी विधानसभा निवडणुकीत जालनेकरांना आश्वासन दिले होते की १ वर्षाच्या आत जे आठ दिवसा आड नळाला पाणी येते तेच पाणी एक दिवसा आड येण्यासाठी मी प्रयत्न करेल व आश्वासन पूर्ण करेल व जालनेकरांनी देखील अर्जुन खोतकर यांच्यावर विश्वास ठेवत त्यांना विजयी केले. व खोतकारांनी देखील आश्वासन पूर्ण करत दिवाळी पर्यंत पाण्याचा प्रश्न मार्गी लागेल अशी माहिती खोतकारांनी अंबड येथे नव्याने होत असलेल्या जास्त क्षमतेच्या जल शुद्धीकरण केंद्राची पाहणी करण्यासाठी पत्रकारांना बोलवले होते तेव्हा दिली आहे.