जालना पोलिस अधीक्षक कार्यालयात शिवसैनिकांची तुफान गर्दी.

धमकी देणाऱ्यांवर तत्काळ कारवाई करावी या मागणीसाठी जालन्यात शिवसैनिक एकवटले.

जालना:– जालन्याचे आमदार अर्जुन खोतकर व त्यांचे पुत्र अभिमन्यू खोतकर यांना एका फेक अकाऊंट वरून इंस्टाग्राम या सोशल मिडिया प्लॅटफॉर्म वरून जीवे मारण्याची धमकी देण्यात आली होती. त्यामुळे जालना शहरात ही बातमी पसरताच सर्व शिवसैनिक आक्रमक झाले होते व त्यांनी तत्काळ दुसऱ्याच दिवशी बैठक घेत थेट पोलिस निरीक्षक यांची भेट घेतली व तत्काळ सदरील व्यक्तीला अटक करावी व योग्य ती कारवाई करावी अशी मागणी केली होती. यावेळी शहरप्रमुख विष्णू पाचफुले आणि आत्मानंद भक्त, जिल्हा संपर्कप्रमुख पंडितराव भुतेकर, अॅड. सुनील किनगांवकर, फेरोजलाला तांबोळी, जिल्हाप्रमुख ए. जे. बोराडे यांसह अनेक शिवसैनिक पोलिस निरीक्षक यांच्या कार्यालयात मोठ्या संख्येने उपस्थित होते. यावेळी पोलिसांनी देखील तपास चालू असल्याचे सांगितले व लवकरात लवकर संबंधित इंस्टाग्राम अकाऊंटची तपासणी करून आरोपीला शोधले जाईल व कारवाई केली जाईल असे म्हणले.

जालन्यातील अवैद्य धंद्यावर कारवाई केली त्यामुळे धमकी आली असल्याची शक्यता – खोतकर.

गेल्या अनेक वर्षांपासून जालना शहरात असंख्य अवैद्य धंदे मोठ्या संख्येने चालू होते व त्यावरच अर्जुन खोतकर यांनी विधासभेत अनेक वेळा प्रश्न उपस्थित करून जालना शहरात मटका, सट्टा व जमिनींचे गैरव्यवहार या संदर्भात कारवाई करण्याची मागणी केली त्यामुळे देखील काही लोक मला धमक्या देत असतील, पण असल्या धमक्यांना मी घाबरणारा नाही. त्यांना योग्य भाषेत उत्तर देईल असे देखील अर्जुन खोतकर पत्रकारांशी बोलतांना म्हणाले.