अंबानी गडकरींना म्हणाले की, रस्ता बांधण्याची सरकारची औकाद आहे काय?

सोशल मीडियावर व्हायरल होतोय गडकरी व अंबानींचा तो किस्सा व्हायरल !

News published by News24tas

मुंबई:- वर्ष होते 1995 तरुण नितीन गडकरी यांना महाराष्ट्र सरकारमध्ये सार्वजनिक बांधकाम मंत्री करण्यात आले. त्यांच्या कार्यकाळात देशातील सर्वात महत्त्वाकांक्षी मुंबई-पुणे द्रुतगती मार्ग तयार करण्यासाठी कृती आराखडा तयार करण्यात आला.

त्यावेळी धीरूभाई अंबानी हे महाराष्ट्रातील सर्वात मोठे उद्योगपती होते. शिवसेनाप्रमुख बाळ ठाकरे यांच्याशी त्यांची जवळीक सर्वांना माहीत होती. त्यामुळे या द्रुतगती मार्गाच्या बांधकामाची निविदा काढण्यात आली. धीरूभाईंनी 3,600 कोटी रुपयांची सर्वात कमी निविदा सादर केली. हे कंत्राट धीरूभाईंकडेच जाईल, असे शिवसेनेने ठरवले होते.

पण नितीन गडकरींनी ह्या मध्ये एक जबरदस्त खुट टाकली. दोन हजार कोटी रुपयांपेक्षा कमी खर्चात हा रस्ता पूर्ण होणार असल्याचे त्यांनी मंत्रिमंडळाच्या बैठकीत सांगितले. पण सर्वात कमी निविदा ३,६०० कोटींची होती. मंत्रिमंडळातील सहकाऱ्यांनी सांगितले की, सर्वात कमी निविदा असलेल्याला काम मिळावे, परंतु गडकरींनी उपमुख्यमंत्री मुंडे यांना सांगितले की, 2,000 कोटी रुपयांपर्यंतच्या कामासाठी 3,600 कोटी रुपये खूप आहेत. निविदा नाकारण्यात याव्यात.

त्यावेळी मुंबईत धीरूभाईंचा प्रचंड प्रभाव होता. मात्र गडकरींनी मुख्यमंत्री मनोहर जोशी आणि मुंडे यांना स्वस्तात रस्ते बनवणार असल्याचे पटवून दिले. त्यावेळी सरकारकडे तेवढा पैसा पणं नव्हता. त्यामुळे पैसे कुठून येणार, असा सवाल जोशी यांनी केला. गडकरी म्हणाले, माझ्यावर विश्वास ठेवा… मी तोडगा काढतो.

मुख्यमंत्री मनोहर जोशी यांनी गडकरींचा मुद्दा मान्य करत निविदा रद्द केली.

निविदा रद्द झाल्याने अंबानी कुटुंबासाठी हा मोठा धक्का होता.धीरूभाईंचे बाळासाहेब ठाकरे आणि प्रमोद महाजन यांच्याशी चांगले संबंध होते. निविदा नाकारल्याने धीरूभाई नाराज झाले. त्यांनीही नाराजी व्यक्त केली. प्रमोद महाजन यांनी नितीन गडकरींना धीरूभाईंना भेटून समजून घेण्यास सांगितले.महाजन यांचे बोलणे गडकरी टाळू शकले नाहीत. नितीन गडकरी धीरूभाईंना भेटायला गेले. गडकरींनी अनिल, मुकेश आणि धीरूभाई या तिघांसोबत जेवण केले.जेवण झाल्यावर धीरूभाईंनी नितीनजीना विचारले, “रस्ता कसा बनणार? टेंडर रद्द केले आहे तर आता कस करणार?”

गडकरींनी धीरूभाईंना सांगितले की, “तुम्ही 2000 कोटी रुपयांमध्ये बनवन्यास तयार असाल तर हे टेंडर मी तुम्हाला देऊ शकतो.”

त्यावर उत्तर देताना धीरूभाई म्हणाले, “सरकारची काय लायकी आहे, तुम्ही काय रस्ता बांधणार? ते तुम्हाला शक्य नाही. तुम्ही व्यर्थ आग्रह करत आहात.” ते पुढे गडकरींना म्हणाले, “मी अनेकांना असे म्हणताना पाहिले आहे, पण काहीही होणार नाही.” असे म्हणत धीरूभाईंनी नितीन गडकरींना एकप्रकारे आव्हान दिले.नितीन गडकरींनीही धीरूभाईंचा मुद्दा मनावर घेतला आणि ते म्हणाले की, “धीरूभाई, जर मला हा रस्ता बांधता आला नाही तर मी माझ्या मिशा कापून टाकेन आणि मी हे करू शकलो तर तुम्ही काय कराल? याचा विचार करा.”त्यांची बैठक संपली आणि नितीन गडकरी अंबानींना आव्हान देऊन निघून गेले.

आता रस्ता कसा बांधणार आणि पैसा कुठून येणार हा प्रश्न होता.

नितीन गडकरी यांनी आपल्या कौशल्याच्या बळावर त्यावेळी राज्यात महाराष्ट्र राज्य रस्ते विकास महामंडळाची स्थापना केली. पब्लिक आणि कंपन्यांच्या माध्यमातून पैसा उभा करण्यात आला. मनोहर जोशी व गोपीनाथ मुंडे यांच्या सहकार्याने व अनुभवी अभियंते यांच्या देखरेखीखाली काम सुरू झाले. नितीन गडकरींनी 2000 कोटी रुपयांपेक्षा कमी खर्चात काम केले. हे सर्व पाहून गडकरींच्या प्रतिभेचा सर्वांनीच धसका घेतला.

हे प्रकरण धीरूभाईपर्यंतही पोहोचले. ते हेलिकॉप्टरने रस्ता पाहण्यासाठी निघाले. एक्स्प्रेस वे पाहून त्यांना आश्चर्य वाटले. त्यांनी तातडीने नितीन गडकरी यांना भेटण्यासाठी बोलावले. ते मेकर्स चेंबरमध्ये पुन्हा भेटले. ते भेटल्यावर धीरूभाई म्हणाले, “नितीन, मी हरलो, तू जिंकलास. तू रस्ता बनवून दाखवलास.

धीरूभाईंनी नितीन गडकरींना सांगितले की, “तुमच्यासारखे आणखी 4-5 लोक देशात असतील तर देशाचे नशीब बदलेल.”

नितीन गडकरींनी ज्या आव्हानाने आपले काम केले, ज्यांनी सरकारी पैसा वाचवण्यासाठी धीरूभाईंसारख्या मोठ्या व्यक्तीशी दुश्मनी घेतली ते आजही स्मरणात आहे.